أغنية عقلي وروحي

الا يا من ملك عقلي وروحي
جذب قلبي من المهجه وشاله
ترى الي صابني واثر جروحي
حبيبي لي عمامه من خواله
جميل الشكل انا لجله طموحي
جميل مجمل محلا جماله
ونظراته وبسماته ذبوحي
جماله ما يفارقني خياله
وانا برخص لهم مالي وروحي
وبطلب منهم حكم العداله
عسى يرد ويعالج جروحي
علاج القلب من عقب اقتياله
يسامحني وانا مثلك سموحي
يعين الله اذا قصرت حباله
ولي ماخذ شهادة بالنجوحي
ويعرف كيف حله واحتلاله
شهاده جامعيه بالنصوحي
درس فن الهوى ويعرف مجاله
كلام واضح كل الوضوحي
نهيت القول واختمت الرساله
الا يا طير يا خفق الجنوحي
عليك الله بلغ ذي الرساله