أغنية اسابق الساعة

أسابق الساعه و تسبقني الساعه تقضي وانا توني بأول ثوانيها
أبشتري وقت وين أسواق بياعه ياللي تبيع الدقايق حد و اشريها

قلبي يبي وقت ولو الوقت ما طاعه وعيني تبي شمس لو الشمس تعميها
و نفسي مثل باقي الأجواد طماعه أبي أجدد على الفرحه لياليها

لا شك الأيام للفرحات مناعه لو نورت ليلة عشرين تطفيها
يظهر ثبات الفتى و النفس مرتاعه خوف على اللي نوده من بلاويها

لو إن كل ينال مناه بذراعه خذيت حقي من أقصاها ودانيها
المشكل إنك يا بولحظين بتاعه تاخذ سلاحي من الكفين و أعطيها

و أنا أدري إن العيون السود خداعه لا شك ودي أصدق منك داعيها
و المهتوي لى اهتوى مايطوي شراعه يمشي على النار كنه ما وطى فيها