أغنية انسانه

تذكرتك سرحت بعيد في ايام السنين الحلم
وصلت بذكرياتي لك واخذني الحزن بأحضانه
تذكرت الجفى مني ومنك المغفرة للظلم
وكم لأجلي تحملتي حقيقه كنتي انسانه
انسانه
تلوعتي بأسم الحب بكيتي من عذاب الهم
على شاني رضى قلبك بتعذيبه وحرمانه
عشقتي كل ما فيني وكلشي في هنا اهتم
ولا مره شكيتيلي ولا قلتيلي تعبانه
صبرتي وقلتي يتغير لكن الفرح ما تم
تركت حايره وحدك وقلبك مات بأحزانه
تذكرتك سرحت بعيد في ايام السنين الحلم
وصلت بذكرياتي لك واخذني الحزن بأحضانه
انسانه
يا اطيب قلب في الدنيا يا ذكرى حبي المؤلم
عرفت الحين انا قدرك وروحي حيل ندمانه
واذا كان الاسف بيفيد او ان الاعتراف يهم
انا آسف انا مخطي حشى ماكنتي غلطانه
نا بغروري ضيعتك خسرتك قبل لا افهم
بأن الغالي ما نشعر به الا بعد فقدانه
تذكرتك سرحت بعيد في ايام السنين الحلم
وصلت بذكرياتي لك واخذني الحزن بأحضانه
انسانه