كلمات اغنية "يامدور الهين"
يا مدور الهين ترا الكايد أحلى واسأل مدور كايدات الطروقي
الزين غالي لكن الأزين أغلى ولكل شراين بضاعه وسوقي
الماء أعالي والسماء فوقه اعلى ولافاق علمن جاه علمن يفوقي
الصعب هلا قلت يا صعب سهلا دامك تبيني انت يا صعب شوقي
أحب عزف المهرة الي تغلى واحب اروض كل طرفن يموقي
احب اسافر مع سحابن تعلا واحب فوق الغيم لمع البروقي
واحب اسامر بدري الي تجلى وارسم شعاع الشمس عند الشروقي
يا من على ثاير فؤادي تولى خلك على قلب الكرامه شفوقي
أكرم عزيزن بالعمر ما استذلا يسوق عمره للمشاريف سوقي
اخترتك من الناس للقلب خلا يا حيثك مرادي وكيفي وذوقي
مارحت ادور كل زولن تحلى لولاك تسوى ما عطيتك خفوقي