أغنية السالفة

قم علم الصبح
قم علم الصبح ويش البارحه قلنا
خله يقول لعواذلنا تصافينا
حتى يعرفون يوم انا تزاعلنا
كله على شان يقهرهم تراضينا
حنا شربنا الغلا حتى تمايلنا
من نشوة الحب تتبعنا خطاوينا
نكسب تعاطف أهل الحب بتعاملنا
وهروج حسادنا ما أثرت فينا
ياما وياما حكوا لكن تجاهلنا
تلامس احساسنا يسبق خطاوينا
من بدهم في الوفا حنا تأهلنا
كسرة ايدين التجافي من تسامينا
يا بحر كان انت في موجك تساهلنا
في الحب نبحر ونرسي في موانينا
روض المحبين محمي في مداهلنا
وزهور الأشواق تنبت في مراعينا
إلنا الشرف والنقا ونشرف أهلنا
عن الرذيله على النايف تعلينا
يا ضامي الحب أروتنا مناهلنا
اذا طوانا هجير الحب تسقينا
والسالفه كلها يوم تزاعلنا
كله على شان نقهرهم تراضينا
قم علم الصبح ويش البارحة قلنا