أغنية مصر بلد الخير

طول ما التاجر وسط تجارته والعسكرى واقف فى اشارته

طول ما الفرن مولع ناره والصحفى بيكتب فى مقاله
والترزى بيلضم فى زراره والأستاذ ماسك الطباشير

طول ما البنا بيبنى يعلى والطالب فى دراسته تملى
فى ناس فى كنايس بتصلى فى ناس بتلبى التكبير
ماتقولش بلدنا مافيهاش خير... ماتقولش بلدنا مافيهاش خير
فيها كل الخير... فيها كل الخير
طول ما التاجر وسط تجارته والعسكرى واقف فى اشارته
والعامل بيأدى رسالته ويخدم بلده بدون تفكير
طول ما الفلاح جوه غيطانه والرسام ماسك الوانه
والفنان بيعزف الحانه والشيخ بيرتل ترتيل
ماتقولش بلدنا مافيهاش خير... ماتقولش بلدنا مافيهاش خير
فيها كل الخير... فيها كل الخير
طول ما الجمهور جى يشجع والدكتور جنب اللي اتوجع
وفريق يحلم بالكأس يرجع علشان يسعد شعب كبير
شعب اصيل زى الأهرام ماتهزوش اصعب ايام
يعبر ويحقق أحلام مصر غنيه بشعب اصيل
ماتقولش بلدنا مافيهاش خير... ماتقولش بلدنا مافيهاش خير
فيها كل الخير... فيها كل الخير