أغنية قد العطا

قلبي من شانك على جمرك وطا ليت تنهي هالعناد وضيعته

كلمات : رزان
الحان : راكان


ما عطيت الا و انا قد العطا
و لا خذيت الا الجحود و ضيقته

ما دريت إن الخطا كل الخطا
ترتبط بـ إنسان يعشق غيبته

جرحك اللي داخل أعماقي سطا
كل ماانسى ذكّرتني خيبته

موعدك عاندني كم مرة وبطا
ليه تتركني أموت بسيرته

قلبي من شانك على جمرك وطا
ليت تنهي هالعناد وضيعته

والا لا جيتك ترجعني الخُطا
ينتهي حبٍ قتلني بحيرته

كنت اظنّك صاحبي ستر وغطا
والأمان اللي أخذني لديرته

ماخسر قلبي من اسباب العطا
ماخسر إلا سبايب طيبته