أغنية نبض ذاتي

يبقى الطيب في قـلـبٍ يحبّـك يعشقـك يهواك

من أشعار: الجـــــابر
ألحان: أسامه العطار


يبقى الطيب في قـلـبٍ يحبّـك يعشقـك يهواك
ويبقى فيك عوَّض عمري الماضي الحالي الآتي

تباري بالغلا قـلـبـي وأجاري حـب عـرق دماك
وتنبض فيني محبّتك .. و حـبـك يحيي نبضاتي

أداري قلبـك الطَّيِّب .. مـشـاعـر تندفع لرضاك
مــشــاعــر صادقـه بالحب شفوقه لك ملمّاتي

وانته يا بعَد عــمــري تعرف ماروم على فرقاك
لأن لي قلب فـي بعدك خيـول شوقه مغيراتي

ولائي يـا حـبـيـب الـروح عـهـوده موّثقه وياك
يـرّقـص حب هالعالم و يـريِّـض فـي مساماتي

أعــرفــك يا كـبـر قدري و عز يديني في يمناك
و تـسـمـو بـالـمـحـبـة لك مشاريهي و هقواتي

تـغـار من الـغـلا روحي تسابق خطوتي جدواك
وتـرسـل لك مـع الأشـواق جزيل الحب تحيّاتي

و روحـي يـا غـلا روحـي بـ وَلَه لا غبت تترياك
وأنا لـبّـيـه .. يـا أربـع حروف مـا تفارق شفاتي

يكفّي انك غلا قـلـبـي .. و غَلَاتي قبلة محيّاك
يعني فـي المحبّه ما تــصّــد .. لغيرك نظراتي

على كثر الغلا فيني قمت وين مـ ألتفت ألقاك
تخيّلت الـــغـــلا لكن .. غلاك قد فاق خيالاتي

تـبـات العين تحلم بـك و تصبح برغبة تتمناك
ترى بالحب يـا حــبّــي .. لك بعد الله طاعاتي

أحــبــك قلتها مـن قلب يحبّك يعشقك يهواك
أحــبــك ما أقول يـا غير .. أكثر مـن نبض ذاتي