أغنية بص بص

فرشة صاحب السعادة معروف في السوق يا سادة

كلمات: محمود فاروق ، حازم ويفي

ألحان: حمزة نمرة ، سلمان الحسيني




فرشة صاحب السعادة

معروف في السوق يا سادة

أسعار من غير زيادة

ورجعنا لزمن الرخص

أنا مش ببيع غناوة

فيه فصال وفيه نقاوة

مين قدك في الغلاوة

افتح شنطك ورص


بص بص بص

مين قال لك تشتري

قرب حمل ورص

ولا مين شاف ولا مين دري


بص بص بص

مين قال لك تشتري

قرب حمل ورص

ولا مين شاف ولا مين دري

خد مني حتة حتة

شيل أبو ستين بستة

أو حتى خلي عنك

لاجل عيونك يا بوص


دي بضاعة ناسها غايبة

ومالهاش صاحب وسايبة

محسوبك صاحي جدا

ما بضيعش الفرص


بص بص بص

مين قال لك تشتري

قرب حمل ورص

ولا مين شاف ولا مين دري


دي بضاعة آخر نقاوة

عبي وليا الحلاوة

شيل واخلع في الهداوة

من غير ما الناس تحس


حمل كل اللي باقي

فرصة وفيه حد لاقي

شيل في الشيفت المسائي

والدنيا هس هس


ما تكبرش الحكاية

مين هيدور ورايا

ده أنا وارث من بابايا

إوعي تفكرني لص


مولد وصاحبة غايب

والغايب ماله نايب

ماهو سايب ماله سايب

وبيرجع يتقمص



بص بص بص

مين قال لك تشتري

قرب حمل ورص

ولا مين شاف ولا مين دري


بالراحة وتاتا تاتا

هنسيبها ع البلاطة

بيعة في غاية البساطة

سيب لي الموضوع ده بس

ما تخلي عينك قوية

دي الحاجة ليك وليا

حد يرد الهدية

يا عم بس بس


بص بص بص

مين قال لك تشتري

قرب حمل ورص

ولا مين شاف ولا مين دري


أنا بعت هناك وهبيع من هنا

زعلان مننا اعمل زينا

الدنيا ربيع والجو بديع

على قد ما تقدر بيع


شكلنا معروف وشنا مكشوف

عيني عينك واللي يشوف ما يشوف

ولا فيه عند اللي جابونا كسوف

واللي هينطق هيضيع


بص بص بص

مين قال لك تشتري

قرب حمل ورص

ولا مين شاف ولا مين دري


بص بص بص

ورجعنا لزمن الرخص

بص تخس النص

بص على الحلاوة

بص على النقاوة