أغنية نسيتوها

نسيتوها محبتنا عجب وشلون تنسوها
رحلتو عن هوى العشرة ولا لحظة تفكرتوا
رغم كل الوفا منا خواطرنا كسرتوها
حبايبنا وش اللي صار عجب والله وتغيرتوا
جرحتوها مشاعرنا بعد مانتو سقيتوها
بعد كل التواضع هم علينا كم تكبرتوا
و لا حتى طرت في بالكم أيام عشتوها
معانا و الهوى يشهد حبايب لو تنكرتوا
نسيتوا كل أمانينا تكابرتوا وهدمتوها
ولا مرة تخيلتوا تعبنا أو تصورتوا
وطت أقدامكم عالعاطفة ومن ثم جهلتوها
خسارة كل هالعشرة تضيع ولا تأثرتوا
حسافة لأجلكم سالت مدامعنا وتركتوها
نطرناكم تجوا عالموعد ولكن تأخرتوا
وهبناكم محبتنا وأسف والله خسرتوها
تلاشت وش يفيد الحين لو حتى تحسرتوا
زرعنا من الفرح وردة وبأياديكم ذبحتوها
كفاية منكم شفنا وعرفنا كم تحجرتوا
رجانا بس وصيتنا أبد لا لا تردوها
تناسوا كل محبتنا إذا مرة تذكرتوا