كلمات اغنية "ياذا النسيم"
ياذا النسيم اللي سرى تالي الليل
من وين ساري يارسول المحبين
مارسلك راعي الرموش المضاليل
اللي مضالي عنه أيام وسنين
بسألك انا بالله من شيء المخاييل
ما خان عهدي بالهوى داعج العين
خلى حياتي من فراقه غرابيل
وحدود نجد وقفت بيننا البين
اللي عليه العين هلت هماليل
واتابع الونات والناس ممسين
يا قلب اصبر والليالي مقابيل
وانا السفر ناويه من حد ذالحين
رسلت له عيت تفيد المراسيل
جسمي نحل والناس ماهوب دارين