أغنية اسأل ظلام الليل
طلال مداح
الأغنية من ألبوم لاتوحشونا لـ طلال مداح, صدر في عام 2010.
ألحان: طلال مداح
كلمات: سلطان بن حمد بن سعود ال ثاني, في: ( 2010 )
كلمات اغنية "اسأل ظلام الليل"
اسأل ظلام الليل عني يقول لك
إني معه دايم الى طلعة النور
اسأله قله عن عشيق وهبلك
قلبه وما يملك من احساس وشعور
رسمت في قلبه حدود وعزف لك
احلى كلام سجله قلب مجبور
مجبور في نظرة عيونك وشكلك
رغم التدلل والتجافي والغرور
دايم تجافيني واجيك اعتذر لك
وتخطي بعد واقول آسف ومشكور
غصب اتحمل منك ميلك وعدلك
باصبر على ظلمك لو القلب مقهور
إلا نهيت النفس منك خفق لك
قلب يودك يرفض البعد ويثور
باقي حياتي لك تراها فدا لك
وما فات من عمري لكم قلت منذور
حبري وشعري والورق ما وصفلك
ما كان كنه قلب عاشق ومسحور
واسأل ظلام الليل عني يقول لك
إني معه دايم الى طلعة النور