أغنية الحب خالد

الحب خالد وحبي خالد وباقي
للي أحبه وأحب دار سكن فيها
شلته في عيني وشلت الحب بأعماقي
والروح بالشوق غنت له أغانيها
راقي بذوقه وقلبه بالوفا راقي
لو وزع الطيب بين الناس يكفيها
ربي متوج وفاه بحسن الأخلاقي
وأغلى الجواهر باوصافه يحليها
لوحه غرامي وزهر الحب بأوراقي
تظماه عيني وشوفه بس يسقيها
أحمل خفوقي وأسافر له باشواقي
وأغلف أجمل مشاعر الحب وأهديها
الله يكمل بشوفه فرحه أحداقي
وتقر عيني بوصل إللي مهنيهآ
يا حبي خالد في قلبي راسخ وباقي
وأحلى وأغلى من الدنيا وما فيها