أغنية لا تحبني

قلت لك لا تحبني تتعب معاي
شوف غيري يمكن إنك تسعده
خلني عايش في همي ياشقاي
كل ماقربت قربك تبعده

إنت منت عارف ارضي من سماي
والي مثلي يمكن إنك تفقده
من عطاني برد في حاجت دفاي
سهل جدا من حياتي اجحده

يوم اشوفك حيل تفرح في لقاي
ويم حلمي في لقاك تبدده
في تصرف منك تقتل بي هناي
فيك لحظة فرحتي متحدده

أنا عن نفسي أخاف من الي جاي
من أمور واجده متعدده
إن جفاك الليل خذ مني مساي
خلي جفني للسهر وإنت ارقده