أغنية زي الهوا

    5 2 زائر
    [سمعها الزوار أكثر من 5457 مرة ]

    عبد الحليم حافظ

    الأغنية من ألبوم اجمل الاغاني لـ عبد الحليم حافظ

    كلمات اغنية "زي الهوا"


    زي الهوا يا حبيبي زي الهوا
    وآه من ال
    هوى يا حبيبي آه من الهوى
    وخذتني من إيدي يا حبيبي ومشينا
    تحت القمر غنينا وسهرنا وحكينا
    وفي عز الكلام سكت الكلام
    وأتاريني ماسك الهوا بإيدية
    وآه من الهوى يا حبيبي آه من الهوى يا حبيبي
    وخذتني ومشينا والفرح يضمنا
    ونسينا يا حبيبي مين إنت ومين أنا
    حسيت إن هوانا ح يعيش مليون سنة
    وبقيت وانت معايا الدنيا ملك إيدية
    أأمر على هوايا تقول أمرك يا عينية
    وفي عز الكلام سكت الكلام
    وأتاريني ماسك الهوا بإيدية
    وآه من الهوى يا حبيبي آه من الهوى يا حبيبي
    خايف ومشيت وأنا خايف
    إيدي في إيدك وأنا خايف
    خايف على فرحة قلبي
    خايف على شوقي وحبي
    وياما قلت لك أنا
    واحنا في عز الهنا
    قلت لك يا حبيبي
    لا أنا قد الفرحة دي
    وحلاوة الفرحة دي
    خايف لا في يوم وليلة
    ماألاقكش بين إيدية
    تروح وتغيب علي
    وقلت لي يا حبيبي ساعتها
    دي دنيتي إنت اللي ملتها
    وفي عز الكلام سكت الكلام
    وأتاريني ماسك الهوا بإيدية
    وآه من الهوى يا حبيبي آه من الهوى يا حبيبي
    وخذتني يا حبيبي ورحت طاير طاير
    وفتني يا حبيبي وقلبي حاير حاير
    وقلت لي راجع بكرة أنا راجع
    وفضلت مستني بآمالي
    ومالي البيت بالورد بالشوق بالحب بالأغاني
    بشمع قايد بأحلى كلمة فوق لساني
    كان ده حالي يا حبيبي لما جيت
    رددنا الغنوة الحلوة سوى
    ودبنا مع نور الشمع دبنا سوى
    ودقنا حلاوة الحب دقناها سوى
    وفي لحظة لقيتك يا حبيبي زي دوامة هوا
    رميت الورد طفيت الشمع يا حبيبي
    والغنوة الحلوة ملاها الدمع يا حبيبي
    وفي عز الأمان ضاع مني الأمان
    وأتاريني ماسك الهوا بإيدية
    وآه من الهوى يا حبيبي آه من الهوى يا حبيبي

    مشاركات حول الأغنية