أغنية احساس

احساس ماحسيت فيه بحياتي
ولا طرالي مثل هذا علي البال
كلمني أكثر عنك وأترك سكاتي
بتأملك وأتخيلك أجمل امال

انت الهنا وانت الحلى وامنياتي
ويازين هالصدفة علي كل الاحوال
لقيت فيك انت قربي لذاتي
تقرب لقلبي بالنوايا والافعال

ماضيك يشبه بالالم ذكرياتي
والحين نفس الحظ والجرح والفال
طبايعك طبق الاصل من صفاتي
أهم شي الصدق فيني ولازال

أمشي ولاأدري وين قبلك جهاتي
من جيتني والدرب موعود بوصال
طاريك يجمعني وينهي شتاتي
مشاعري لك شوق والبال ميال

أنا بقلبي شي وش السواتي
ودي أقوله بس وشلون ينقال
الحب مايستأذنك ياحياتي
يلحق علي راعيه بالصبر لو طال